ᐊᓂᒌ ᒥᔮᒨᐱᔥᑎᐦᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤᐄᔨᔨᐅᔅᒌᐦᒡ ᐋᑯᑖᐦ ᑳ ᐅᐦᒋ ᐅᔑᐦᑖᑭᓂᐎᒡ ᐊᓂᑎᐦ ᓂᔅᑯᒧᐎᓂᐦᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᒑ ᒌᐦᐃᐦᑎᓈᓂᐎᒡ᙮ ᐋᐅᑯᓂᒡ ᑳ ᒥᓯᓂᐦᐅᓱᒡ ᐅᔮ ᓂᔅᑯᒧᐎᓂᔨᐤ ᑳᐦᓈᑖᐦ ᓂᐹᔨᐦᒋᒑᓯᐤ ᑭᔮᐦ ᓅᓈᕗᑦᑎᐹᔨᐦᒋᒑᓯᐤ, ᑭᔮᐦ ᓅᐦᒋᒦᐅᐄᔨᔨᐅᒡ ᑭᔮᐦ ᐐᓂᐹᑰᒡ ᐋᐦ ᓈᑎᒫᑐᒡ ᐅᐦᒋ ᐄᔨᔨᐤ ᑎᐹᔨᐦᒋᒑᓯᐤᐦ᙮ ᐋᑯᑎᐦ ᑳ ᒥᓯᓂᐦᐅᓱᓈᓂᐎᒡ ᐅᐱᔥᑰᐲᓯᒻ 7, 2010 ᑭᔮᐦ ᐋᑯᑎᐦ ᑳᐦ ᐋᐱᑎᐦᒡ ᒋᓵᐲᓯᒻ 15, 2012᙮ ᐋᑯᑎᐦ ᑭᔮᐦ ᐙᐦᒋᒌᐦᑳᔮᔨᐦᑖᑯᐦᒡ ᐆ ᓂᔅᑯᒧᐎᓐ ᒋᔖᐐᔓᐙᐎᓂᐦᒡ,

ᐊᓐ ᓂᔅᑯᒧᐎᓐ ᐋᑯᑎᐦ ᓅᑯᐦᒡ ᐋᐦ ᓂᓯᑐᐦᑖᑯᐦᒡ ᐋᐦ ᒌᐦ ᓂᔅᑯᒧᓈᓂᐎᒡ ᐅᐦᒋ ᐊᔅᒌ ᐋᐦ ᐐᐦᑖᑯᐦᒡ ᑭᔅᒋᐦᐅᐎᓐᐦᒑ ᑭᓂᐙᐱᐦᑎᑭᓂᐎᒡᐦ ᐅᐦᒋ ᑳᐦᓈᑖᐦ ᑎᐹᔨᐦᒋᒑᓯᐤ ᑭᔮᐦ ᐄᔨᔨᐅᒡ ᐋᐦ ᐐᐦᑖᑯᐦᒡ ᐊᓂᑎᐦ ᐋᔑᓈᑯᐦᒡ ᐐᓂᐹᒄᔮᔮᐤ ᐄᔨᔨᐅᔅᒌᐦᒡ ᐋᐦ ᑖᐦᑭᐦᐄᒑᐱᔨᒡ᙮ ᒥᔖᐤ ᒫᒃ ᐊᓐ ᐊᔅᒌ ᐅᑖᐦ ᐙᐱᓅᑖᐦᒡ ᐄᑖᐦᒑᑳᒻ ᒉᐃᒥᔅ ᐯᐃᐦ ᑭᔮᐦᐲᓯᒸᐦᑖᐦᒡ ᐊᑦᓯᓐ ᐯᐃᐦ ᐙᐱᓅᐦᒡ ᐄᑖᐦᒑ᙮ ᐊᓐ ᒫᒃ ᐋᔥᐱᔖᒡ ᐐᓵᐙ 61,270 ᐋᐦ ᑭᒌᐦᒑᔮᒡ ᑭᓨᒥᑎᕐᔅ ᑭᔮᐦᑖᐦᑭᐦᐆᑯᐎᒡ 17,146 ᐄᔨᔨᐅᒡ ᐙᒋᒡ ᐅᑖᐦ ᐊᔅᑎᔅᑭᒥᒡ ᐊᑎᒫᐲᓯᒽ ᑯᐯᒃ᙮

ᐊᓂᑖᐦ ᒫᒃ ᑯᐃᔅᒄ ᒑ ᒌ ᐅᐦᒋ ᐱᒥᐱᔨᐦᑖᑭᓂᐎᒡ ᐊᔅᒌ ᐋᑖᐱᑎᐦᒡ, ᐋᐦ ᓂᑑᐦᐅᓈᓂᐎᒡ, ᐋᐦ ᓅᑎᒫᓵᓂᐎᒡ, ᐋᐦᐎᓂᐦᐄᒑᓂᐎᒡ, ᑭᔮᐦ ᐋᐦ ᐋᐱᑎᓰᓈᓂᐎᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ, ᐄᔨᔨᐅᒡ ᑭᔮᐦ ᑳᐦᓈᑖᐦᑎᐹᔨᒋᒑᓯᐤ ᒌᐦ ᐎᔨᐱᔨᐦᑖᐎᒡ ᒑ ᒌᐦ ᐃᐦᑎᑯᓂᔨᒡ ᓂᔥᑐᔨᒡ ᐋᐦ ᐄᔑᓈᑯᓂᔨᒡ ᐊᓂᑎᐦ ᒑ ᒌᐦ ᐅᐦᒋᓈᓈᑭᒋᔥᑖᑭᓂᐎᐎᔨᒡ ᒥᓯᐙ ᐊᐙᓐ ᒑ ᒌᐦ ᐐᒋᐦᐄᐙᑦ ᐋᐦ ᐐᔓᑎᑭᓂᐎᐎᔨᒡ:

• ᐋᐦ ᐎᔮᔨᑎᑭᓂᐎᒡ ᐋᐦ ᒫᒨᐱᔥᑎᑭᓂᐎᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ - ᐱᔅᑭᑎᓯᓂᐦᐄᑭᓂᐦᒡ 8 ᒫᓯᓈᑖᒡ ᓂᔅᑯᒧᐎᓂᐦᒡ ᐅᐦᒋ ᒑ ᐄᑖᐱᑎᐦᒡ ᐊᔅᒌ
• ᐋᐦ ᒫᒨᐱᓈᓂᐎᒡ ᒑ ᒌᐦ ᓈᑭᑎᐙᔨᐦᑖᑯᓯᒡ ᐋᐙᓰᓯᒡ - ᐱᔅᑭᑎᓯᓂᐦᐄᑭᓐ 13 ᒫᓯᓈᑖᒡ ᓂᔅᑯᒧᐎᓂᐦᒡᐅᐦᒋ ᒑ ᐄᑖᐱᑎᐦᒡ ᐊᔅᒌ
• ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᒥᒋᓐ ᐋᐦ ᓈᓈᑭᒋᔥᑖᑭᓂᐎᒡ - ᐱᔅᑭᑎᓯᓂᐦᐄᑭᓐ 18 ᒫᓯᓈᑖᒡ ᓂᔅᑯᒧᐎᓂᐦᒡ ᐅᐦᒋ ᒑ ᐄᑖᐱᑎᐦᒡ ᐊᔅᒌ

ᐊᓐ ᒫᐅᒡ ᒑᔅᑖᔨᐦᑖᑯᐦᒡ ᐊᓂᑎᐦ ᓂᔅᑯᒧᐎᓂᐦᒡ ᐋᐅᒄ ᐆ ᐋᑎ ᒥᓯᓈᑖᒡ ᔮᔨᑖ ᒑ ᑭᓂᐙᐱᐦᑎᑭᓂᐎᒡ:

• ᐊᐙᓐ ᑖᐹᔨᐦᑎᐦᒡ ᒥᓂᔥᑎᒄᐦ ᐅᑖᐦ ᐙᐱᓅᑖᐦᒡ ᐄᑖᐦᒑᑳᒻ ᒉᐃᒥᔅ ᐯᐃᐦ ᑭᔮᐦ ᐲᓯᒸᐦᑖᐦᒡᐦᐊᑦᓯᓐ ᐯᐃᐦᐅᑖᐦ ᐅᐦᒋ ᒋᓄᓂᑯᐦᒡ ᐅᑖᐦ ᐄᔑ ᐲᓯᒸᐦᑖᐦᒡ
• ᑖᐱᔥᑯᓐ ᐋᐦ ᑎᐹᔨᐦᑎᐦᒡ ᐄᔨᔨᐅᒡ ᑭᔮᐦ ᐄᔥᒌᒫᐅᒡ ᐅᑖᐦ ᓅᓈᕕᒃ ᒑᑳᑦ ᒥᓯᐙ ᒥᓂᔥᑎᒄᐦ ᐅᑖᐦ ᐅᐦᒋᐊᑎᒫᐲᓯᒽ ᒋᓄᓂᑯᐦᒡ ᐅᑖᐦ ᐄᔑ ᐅᒥᐅᔮᒃ
• ᐊᐙᓐ ᒑ ᒌᐦ ᐐᔓᑎᐦᒃ ᐅᔅᑎᔅᑭᒻ ᐋᐦ ᐐᐦ ᒥᓈᐦᐅᓈᓂᐎᐎᔨᒡ ᐅᑖᐦ ᐅᐦᐄ ᒥᓂᔥᑎᒄᐦ ᑳ ᐋᔨᒸᐅᐦᐄᐙᒡᐦ
• ᐄᔨᔨᐅᒡ ᒑ ᐱᐦᒀᓂᒧᐙᑭᓂᐅᐎᒡ ᐋᔑ ᑎᐱᐦᐋᒧᐙᑭᓂᐎᐎᔨᒡᐦ ᑎᐹᔨᐦᒋᒑᓯᐤᐦ ᐅᐦᒋ ᐊᓂᔮ ᑳ ᐄᔥᐱᔥᐅᔑᐦᐋᑭᓂᐎᐎᔨᒡᐦ ᔓᐎᔮᓐ ᐋᐦ ᒌᐦ ᒥᓈᐦᐅᓈᓂᐎᐎᔨᒡ ᒑᒀᔨᐤ ᐅᑖᐦ ᐅᐦᒋ ᐋᓈᑎᒨ
• ᒦᔥᑯᒡ ᒑ ᒥᔮᑭᓂᐎᒡ ᐹᔨᑯᔥᑖᐤ ᑎᐦᑐᐱᐳᓐᐦ ᐋᐦ ᐱᒥᐱᔨᔨᒡ ᐄᔨᔨᐤ ᑎᐹᔨᐦᒋᒑᓯᐤ
• ᐋᔑ ᓈᓈᑭᒋᔥᑖᒡ ᐄᔨᔨᐅᒡ ᐋᐦ ᓂᑑᐦᐅᒡ ᐅᑖᐦ ᐐᓂᐹᑯᐦᒡ
• ᐄᔨᔨᐅᒡ ᒑ ᐄᔑ ᐐᒋᐦᐄᐙᒡ ᐋᐦ ᒫᒨᐱᔥᑎᑭᓂᐎᐎᔨᒡ ᓂᑑᐦᐅᐎᓂᔨᐤ, ᒑ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐅᑖᐦ ᐐᓂᐹᑯᐦᒡ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ, ᑭᔮᐦ ᐋᐦ ᒫᒨᐱᔥᑎᑭᓂᐎᐎᔨᒡ ᐋᐦ ᐅᐙᔮᔨᐦᑖᑯᓂᔨᒡ ᒑ ᐄᔅᐱᔨᐦᑖᑭᓂᐎᐎᔨᒡ ᐋᐱᑎᓰᐎᓂᔨᐤ
• ᒑ ᐐᒋᐦᐄᐙᒡ ᐋᐦ ᒥᓯᓂᐦᐅᓱᓈᓂᐎᐎᔨᒡᐦ ᓂᔅᑯᒧᐎᓐᐦ ᐄᔨᔨᐅᒡ ᐅᐦᒋ ᐊᓂᔮ ᐋᐱᑎᓰᐎᓂᔨᐤ ᒑ ᐱᒥᐱᔨᐦᑖᑭᓂᐎᐎᔨᒡ ᑭᔮᐦ ᐊᓂᔮ ᒑ ᐄᔑ ᑖᐦᑭᐦᐄᒑᐱᔨᔨᒡ ᑭᔮᐦ ᒑ ᐄᔑ ᐐᒋᐦᐄᐙᔨᒡ
• ᔮᔨᑖ ᒑ ᑭᓂᐙᐱᐦᑎᑭᓂᐎᐎᔨᒡᐦ ᐄᔨᔨᐅᒡ ᑭᔮᐦ ᐄᔥᒌᒫᐅᒡ ᐅᑭᔅᒋᐦᐅᐎᓂᐙᐤᐦ, ᒋᒡ ᐋᐦ ᑖᐱᑎᐹᔨᒦᓱᒡ ᑭᔮᐦ ᒑ ᒥᔪᓈᓈᑭᒋᔥᑖᑭᓂᐎᐎᔨᒡ ᐊᔅᒌᔨᐤ ᑭᔮᐦ ᐊᓂᔮ ᒑᒀᔨᐤ ᐙᐦ ᒥᓈᐦᐅᓈᓂᐎᐎᔨᒡ ᐅᑖᐦ ᓅᓈᕗᑦ ᑭᔮᐦ ᐅᑖᐦᐦᐊᑦᓯᓐ ᑭᔮᐦ ᒉᐃᒥᔅ ᐯᐃᐦ
• ᐊn ᓈᔥᒡ ᐙᐦ ᓈᑭᑎᐙᔨᐦᑖᑯᓂᔨᒡ ᐊᔅᒌᔨᐤ ᑭᔮᐦ ᓂᐲᔨᐤ, ᒑ ᐄᔑ ᐋᐱᑎᓂᔨᒡ ᐊᔅᒌᔨᐤ, ᑎᐹᔨᐦᒋᒑᓰᓈᐦᒡ ᐋᐦ ᐅᐦᒋᐱᔨᒡ ᐋᐱᑎᓰᐎᓐ ᑭᔮᐦ ᒥᔑᓂᐦᐄᑭᓂᔥᐦ ᐋᐦ ᒥᔮᑭᓂᐅᐎᒡ ᐊᐙᓂᒌ ᒑ ᒌᐦ ᐃᐦᑐᑎᐦᒡ ᐋᐱᑎᓰᐎᓂᔨᐤ, ᐋᐦ ᓅᒋᑐᐦᑭᐹᓂᐎᒡ, ᑭᔮᐦ ᐋᐦ ᓈᓂᑑᒋᔅᒑᔨᐦᑖᑯᐦᒡ ᐄᔨᔨᐅᐃᔨᐦᑎᐎᓐ ᑭᔮᐦ ᐄᔨᔨᐤ ᐱᒫᑎᓰᐎᓐ

ᐊᓂᑎᐦ 18 ᐱᔅᑭᑎᓯᓂᐦᐄᑭᓂᐦᒡ ᓂᔅᑯᒧᐎᓂᐦᒡ, ᐊᓂᒌ ᒥᔮᒨᐱᔥᑎᐦ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐋᔪᐎᒄ ᓈᔥᒡ ᓈᑎᐙᔨᐦᑖᑯᓯᒡ ᒑ ᓈᓂᑑᒋᔅᒑᔨᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᔨᒡ ᐊᔅᒌᔨᐤ ᐋᐦ ᐐᐦ ᒥᓈᒋᔥᑖᑭᓂᐎᐎᔨᒡ ᑭᔮᐦ ᐱᒫᑎᓰᐎᓂᔨᐤ ᑭᔮᐦ ᒑ ᐄᔑ ᐱᑳᔅᒋᐦᐅᓈᓂᐎᐎᔨᒡ ᐅᐦᒋ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ᙮