ᒥᓯᐙ ᐊᐙᓐ ᐋᐱᐦᐋᔥᑖᔨᐤ ᒑ ᒌᐦ ᐐᒋᐦᐄᐙᑦ

ᒥᓯᐙ ᐊᐙᓐ ᐋᐱᐦᐋᔥᑖᔨᐤ ᐋᐦ ᐁᔅᑌᓕ ᐊᐦᑖᐦ ᐅᐦᑯᔥᑖᑯᓐ ᐋᐦ ᐋᐱᔥᑎᓂᔨᐦᑖᑯᓐ ᒑ ᒌᐦ ᐙᒑᔨᔅᑭᔨᓂᐦᑖᐦ ᐅᑖᐦ ᐐᒋᐦᐄᐙᑦ.

ᐅᓂᔅᑯᒡ ᑯᐃᔅᒄ

ᒑᒀᓐ ᐙᐦᒋ ᒋᔅᑎᒫᐎᒡ ᒥᓯᐙ ᐊᐙᓐ ᒑ ᒌᐦ ᐐᒋᐦᐄᐙᑦ?

ᒥᓯᐙ ᐊᓐ ᒦᓐ ᒥᒋᓐ ᐋᐦ ᐹᒋ ᐱᒋᔅᑎᓂᑭᓂᐎᒡ ᒑ ᑭᓂᐙᐱᐦᑎᑭᓂᐎᒡ 21 ᑎᐦᑐᒌᔑᑳᐤᐦ ᑭᓂᐙᐱᐦᑎᒧᒡ ᐊᓂᒌ ᒥᔮᒨᐱᒡ ᒦᓐ ᒥᒋᓐ ᒑ ᑭᓂᐙᐱᐦᑎᐦᒡ᙮ ᒑᔥᒋᐱᔨᐦᑖᑭᓂᐎᒡᐦ ᐊᓐ ᒦᓐ ᒥᒋᓐ ᒑ ᑭᓂᐙᐱᐦᑎᑭᓂᐎᒡ, ᒥᓯᓂᐦᐄᑭᓐ ᐋᐦ ᐐᐦᑖᑯᐦᒡ ᒦᓐ ᒥᒋᓐ ᒑ ᑭᓂᐙᐱᐦᑎᑭᓂᐎᒡ ᐄᑎᔑᐦᐄᑭᓂᐤ ᒥᒄ ᐊᓐ ᐊᐙᓐ ᒑ ᒌᐦ ᐙᐱᐦᑎᐦᒃ᙮ ᐊᓂᒌ ᐊᐙᓂᒌ ᒫᒫᔪᐦᐄᑯᒡ ᐱᑯᓵᔨᐦᑖᑯᓯᐎᒡ ᒑ ᒌᐦ ᐱᒋᔅᑎᓂᐦᒡ ᐅᑎᑖᔨᐦᑎᒧᐎᓂᐙᐤ ᐅᐦᒋ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑖᑭᓂᐎᐎᔨᒡ ᑭᔮᐦ ᑖᓐ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐅᑖᐦ ᒦᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐋᐦ ᒫᒨᐱᔥᑎᑭᓂᐎᐎᔨᒡ ᒑ ᒌᐦ ᒫᒥᑐᓈᔨᐦᑎᒥᐦᐄᐙᔨᒡ᙮ ᐊᓂᑖᐦ ᒥᒄ ᐊᓐ ᐊᐙᓐ ᒑ ᒌᐦ ᐙᐱᐦᑎᐦᒃ ᐋᑯᑖᐦ ᐋᑎᔑᐦᐄᑭᓂᐎᒡ ᒑ ᒌᐦ ᐙᐱᐦᑎᐦᒡ ᐊᐙᓂᒌ᙮

ᐊᓂᒌ ᒥᔮᒨᐱᔥᑎᐦᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐊᓂᔮ ᐋᑖᐱᑎᓰᒡ ᒥᒄ ᐊᓂᔮᐦ ᐊᐙᔨᐤᐦ ᒑ ᒌᐦ ᐐᒋᐦᐄᐙᔨᒡᐦ ᓈᔥᑖᑆᐦ ᒋᔥᑎᒫᐎᓐ ᐋᑳ ᒑ ᑳᑖᑭᓂᐎᒡ ᒑᒀᓐ, ᒑ ᑖᑆᒥᑭᐦᒡ ᑭᔮᐦ ᑯᐃᔅᒄ ᒑ ᓈᓂᑑᒋᔥᒑᔨᐦᑖᑯᐦᒡ᙮ ᐋᑯᑎᐦ ᐙᐦᒋᐱᔨᒡ ᐋᐦ ᐐᒋᐦᐄᐙᒡ ᐊᐙᓂᒌ ᐊᑎᑎᐤ ᐋᐦ ᒥᔥᑭᐙᒡ ᐊᓐ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᒡ, ᑭᔮᐦ ᐊᑎᑎᐤ ᒑ ᒥᔪᐱᔨᒡ ᐋᐦ ᐎᔮᔨᐦᑖᑯᐦᒡ ᑭᔮᐦ ᐊᑎᑎᐤ ᑯᐃᔅᒄ ᒑ ᐐᐦ ᐄᔑᓈᑯᐦᑖᑭᓂᐎᒡ ᐋᐱᑎᓰᐎᓐ ᒑ ᐃᐦᑐᑖᑭᓂᐎᒡ᙮

ᐅᒌ ᒥᔮᒨᐱᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐋᔪᐎᒄ ᑳᓂᐙᐱᐦᑎᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐅᑎᐦ ᐊᔅᒌᐦᒡ ᓈᐦᑖᐅᒋᓂᔨᒡ ᒑᒀᔨᐤ (ᐊᔅᒌᔨᐤ, ᓂᐲᔨᐤ, ᓂᒫᔅᐦ ᑭᔮᐦ ᐋᐙᓰᔅᐦ) ᑭᔮᐦ ᐱᒫᑎᓰᐎᓂᐦᒡ ᑭᔮᐦ ᐋᐦ ᐅᐦᒋ ᐱᑳᔅᒋᐦᐅᓈᓂᐎᐎᔨᒡ ᒑ ᐄᔑ ᑖᐦᑭᐦᐄᒑᐱᔨᔨᒡ (ᒥᔪᐱᒫᑎᓰᐎᓂᐦᒡ ᑭᔮᐦ ᒑ ᒌᐦ ᒥᔪᐱᒫᓰᒡ ᐊᐙᓂᒌ ᑭᔮᐦ ᐊᓂᐦᐄ ᐃᐦᑖᐎᓐᐦ) ᐅᐦᒋ ᐊᓐ ᐙᐦ ᐃᐦᑐᑎᑭᓂᐎᒡ ᐋᐱᑎᓰᐎᓐ ᓈᔥᒡ ᒑ ᒌᐦ ᐎᓈᒋᔥᑖᑭᓂᐎᒀ ᐊᔅᒌ ᑭᔮᐦ ᓂᐲ᙮ ᐊᓂᕪ ᒫᒃ ᒑ ᒌᐦ ᐅᐦᒋ ᐋᐱᑎᐦᒡ ᐊᓐ ᐋᔑ ᒥᑯᔅᑳᑖᔨᐦᑎᒥᐦᐄᑯᔨᓐ ᐅᑖᐦ ᐋᐦ ᒫᒨᐱᔥᑎᑭᓂᐎᒡ ᒦᓐ ᐋᐦ ᑭᓂᐙᐱᐦᑎᑭᓂᐎᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ, ᒋᑭ ᐐᐦᑖᓐ ᐋᑖᔨᐦᑎᒥᐦᐄᑯᔨᓐ ᑖᓐ ᐊᓐ ᒑᒀᓐ ᓈᔥᒡ ᒑ ᑖᐦᑭᐦᐄᒑᐱᔨᒡ ᐋᔑ ᓂᓂᐦᑖᐅᒋᐦᒡ ᒑᒀᓐ ᑭᔮᐦ ᐊᓐ ᐋᔑ ᐱᐱᑳᔅᒋᐦᐆᓈᓂᐎᒡ᙮

ᑖᓂᑖᐦ ᒑ ᒌᐦ ᐄᔑ ᐐᒋᐦᐄᐙᔮᓐ?

ᒑ ᐄᔅᐱᔨᔨᓐ ᐊᓂᑖᐦ ᐋᐦ ᐋᔨᒧᑖᒡ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒃ ᑭᔮᐦ ᐋᑯᑎᐦ ᒑ ᐙᐱᐦᑎᒥᓐ ᐋᐦ ᐅᔥᑳᒡ ᐋᐱᑎᓰᐎᓐ ᐙᐦ ᐃᐦᑐᑎᑭᓂᐎᒡ ᑭᔮᐦ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᒡ

ᐅᑖᐦ ᒑ ᐄᔅᐱᔨᔨᓐ ᓂᑐᐙᐱᐦᒋᑭᓂᐦᒡ info-irb@eeyoumarineregion.ca ᒑ ᒌᐦ ᒥᓯᓂᐦᐅᑭᐎᔨᓐ ᒌᔨ ᑭᔮᐦ ᒑ ᒌᐦ ᐲᐦᑎᑖᐱᔨᔨᓐ ᐋᐦ ᒥᓯᓈᓱᒡ ᐊᐙᓂᒌ᙮ ᒌᐦ ᐲᐦᑎᑖᓯᓂᐦᐅᓱᔨᓈ ᒫᒃ ᐋᑯᑎᐦ ᑏᐙᐦᒡ ᒑ ᒌᐦ ᐅᐦᒋ ᒋᔅᒑᔨᐦᑎᒧᔨᑭᐎᔨᓐ ᐋᐦ ᐄᐦᑎᑯᐦᒡ ᐋᐱᑎᓰᐎᓐ ᒫᒀᒡ ᒦᓐ ᓈᔥᒡ ᒥᒋᓐ ᐋᐦ ᑭᓂᐙᐱᐦᑎᑭᓂᐎᒡ ᐅᑖᐦ ᐅᐦᒋ ᐋᐦ ᐄᐦᑎᑯᐦᒡ ᐐᓂᐹᒄ ᔮᔮᐤ ᐄᔨᔨᐅᔅᒌᐦᒡ᙮

ᒑ ᐙᐙᐱᐦᑎᒥᓐ ᐊᓐ ᓂᐐᐦᑎᒫᒑᐅᓯᓂᐦᐄᑭᓂᓈᓐ

ᑖᓂᑖᐦ ᒑ ᒌᐦ ᐃᐦᑎᔮᓐ ᐋᐦ ᐐᐦ ᐱᒋᔅᑎᓂᒫᓐ ᓂᑎᔨᒧᐎᓐ?

ᓂᔥᑐᔨᒡ ᒋᑭ ᒌᐦ ᐄᔑ ᐱᒋᔅᑎᓈᓐ ᐊᔥᑎᔨᒧᐎᓐ ᐅᑖᐦ ᐋᐦ ᒫᒨᐱᓈᓂᐎᒡ ᒦᓐ ᐋᐦ ᑭᓂᐙᐱᐦᑎᑭᓂᐎᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ:

  1. ᒑ ᒥᓯᓂᐦᐋᒥᓐ ᐊᓐ ᐙᐦ ᐄᔑ ᐐᐦᑎᒥᓐ ᒥᒄ ᐊᓐ ᐊᐙᓐ ᒑ ᒌᐦ ᐙᐱᐦᑎᐦᒃ (ᐅᑖᐦ ᓃᐦᑖᐦᒡ ᒋᑭ ᐙᐱᐦᑖᓐ ᐊᓂᑖᐦ ᓂᐦᐋᐤ ᒑ ᐃᐦᑎᔨᓐ)
  2. ᐅᑖᐦ ᒑ ᐄᑎᔑᐦᐋᒥᓐ ᓂᑐᐙᐱᐦᒋᑭᓐ ᐋᐦ ᐋᐱᒋᔥᑖᔨᓐ info-irb@eeyoumarineregion.ca ᑖᓐ ᐊᓐ ᐙᐦ ᐄᔑ ᐐᐦᑎᒥᓐ
  3. ᐅᑖᐦ ᒑ ᒥᑣᐦᑎᑐᐎᑣᐤ ᐅᒌ ᑳ ᒫᒨᐱᔥᑎᐦᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ: 819-895-2202

ᒑᒀᓐ ᒑ ᑯᒀᒋᒥᑭᐎᔮᓐ ᒑ ᐐᐦᑎᒫᓐ?

ᒑᒀᓐ ᐋᑖᔨᐦᑎᒥᓐ ᒑ ᒌᐦ ᒥᔻᒡ ᐅᐦᒋ ᐆ ᐙᐦ ᐃᐦᑐᑎᑭᓂᐎᒡ ᐋᐱᑎᓰᐎᓐ?

ᑖᓐ ᐋᔑ ᐋᐱᒋᔥᑖᔨᓐ ᑭᔮᐦ ᐋᔑ ᐃᔮᔨᒥᔥᑭᒥᓐ ᐅᑖᐦ? ᐋᐅᒄ ᒑ ᒌᐦ ᒋᔥᑖᔨᐦᑖᑯᐦᒡ ᑖᓂᒌ ᐊᓂᒌ ᐋᓯᓈᑯᓯᒡ ᑭᔮᐦ ᐋᐦᑎᔑᒡ ᐊᓂᒌ ᐋᐙᓰᓯᒡ ᐋᐦ ᐃᐦᑖᒡ ᐅᑎᐦ, ᐊᔅᒌ ᐋᐦ ᐐᐦᑭᓂᐙᔨᐦᑖᑯᐦᒡ (ᐊᔅᒌ, ᐊᓐ ᐙᑖᐦᑎᑭᓂᐎᒡ, ᓂᐲ), ᒑ ᒌᐦ ᒥᔫᓈᑯᐦᒡ, ᐄᔨᔨᐅᐱᒫᑎᓰᐎᓐ ᑭᔮᐦ ᐄᔨᔨᐅᐃᔨᐦᑎᐎᓐ (ᐋᐦ ᐎᓂᐦᐄᒑᓂᐎᒡ, ᐋᔑ ᐱᒫᑎᓰᓈᓂᐎᒡ), ᑭᔮᐦ ᑯᑎᒡ ᒑᒀᓐ᙮

ᑖᓂᑖᐦ ᒑ ᐄᔑ ᑖᐦᑭᐦᐄᒑᐱᔨᒡ ᐊᓐ ᐋᐱᑎᓰᐎᓐ ᐙᐦ ᐃᐦᑐᑎᑭᓂᐎᒡ ᑭᔮᐦ ᒑ ᐄᔅᐱᔨᐦᐄᐙᒡ, ᒑᒀᓐ ᐊᓐ ᐙᐦᒋ ᐃᔨᑖᔨᐦᑎᒥᓐ? ᒋᐐᐦ ᐐᐦᑖᓈ ᑖᓂᑖᐦ ᒑ ᒌᐦ ᐄᔑ ᐊᒋᐎᐱᔨᒡ ᐊᓐ ᒑ ᐎᔥᑎᐐᐙᒡ ᑭᔮᐦ ᒫᒃ ᐋᑯᔥ ᐋᑳ ᒑ ᐃᐦᑐᑎᑭᓂᐎᒡ᙮

ᐊᓂᑖᐦ ᒑ ᒌᐦ ᐄᔑ ᐱᒋᔅᑎᓂᒥᓐ ᐊᔥᑎᑖᔨᐦᑎᒧᐎᓐ ᒥᓯᐙ ᐊᐙᓐ ᒑ ᒌᐦ
ᐙᐱᐦᑎᐦᒃ

ᓃᔥᑎᒻ ᒑ ᐃᐦᑎᔨᓐ 1- ᒑ ᓈᓂᑎᐙᐱᐦᑎᒥᓐ ᐊᓐ ᐋᐱᑎᓰᐎᓐ ᐙᐦ ᐋᔨᒧᑎᒥᓐ

1.ᒥᓯᐙ ᐋᐱᑎᓰᐎᓐᐦ ᐋᑯᑎᐦ ᒫᓯᓈᑖᒡᐦ ᐊᓂᑎᐦ ᓂᑐᐙᐱᐦᒋᓂᐦᒡ ᐅᑖᐦ ᐄᔅᐱᔨᔨᓈ
https://emrpublicregistry.ca. ᙮ ᒑ ᒥᓯᓂᐦᐋᒥᓐ ᐋᔑᓂᐦᑳᑖᒡ ᐊᓐ ᐋᐱᑎᓰᐎᓐ ᐙᐦ ᐙᐱᐦᑎᒥᓐ,
ᐋᑎᓯᓈᑖᒡ ᑭᔮᐦ ᒫᒃ ᐅᑖᐦ ᐄᑖᐦᒑ ᒋᓂᒥᐦᒌᐎᓂᐦᒡ ᐋᑯᑦ ᒑ ᐙᐱᐦᑎᒥᓐ᙮

2. ᐋᑯᑖᐦ ᒦᓐ ᒑ ᒌᐦ ᐄᔑ ᐃᐦᑎᔨᓐ ᒥᒄ ᐊᓐ ᒑᒀᓐ ᐙᐦ ᒋᔅᒑᔨᐦᑎᒥᓐ ᒑ ᒌᐦ ᐙᐱᐦᑎᒥᓐ ᐅᐦᒋ ᐆ
ᐋᐱᑎᓰᐎᓐ ᐋᔑᓈᑯᐦᒡ, ᑖᓂᑖᐦ ᒑ ᐃᐦᑐᑎᑭᓂᐎᒡ, ᑭᔮᐦ ᒫᒃ ᐊᓂᑎᐦ ᐋᐦ ᐃᐦᑎᑯᐦᒡ ᐋᐦ
ᓈᓂᑑᒋᔅᒑᔨᐦᑖᑯᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᒡ ᐋᐦ ᑖᐦᑭᐦᐋᒥᓐ ᐅᑖᐦ ᒋᓂᒥᐦᒌᐎᓂᐦᒡ ᒫᓯᓈᑖᒡ,
ᑭᔮᐦ “ᐋᐦ ᓈᓂᑣᐱᐦᑎᑭᓂᐎᒡ ᒫᓯᓈᑖᒡ”᙮ ᑖᐦᑭᐦᐋᒥᓈ ᐊᓐ “ᒥᒄ ᐊᓐ ᐊᐙᓐ ᒑ ᒌᐦ ᐱᒋᔅᑎᓂᐦᒃ
ᐅᑎᔨᒧᐎᓐ” ᐊᓂᑎᐦ ᓃᐦᑖᒡ “ᐊᓂᑎᐦ ᐋᐦ ᐃᐦᑎᑯᐦᒡ ᐋᐦ ᓈᓂᑑᒋᔅᒑᔨᐦᑖᑯᐦᒡ ᒑ ᒌᐦ ᐄᔑ
ᑖᐦᑭᐦᐄᒑᐱᔨᒡ” ᐋᐦ ᒥᓯᓈᑖᒡ, ᐋᑯᑎᐦ ᒑ ᐙᐱᐦᑎᒥᓐ ᒥᓯᐙ ᐊᓂᐦᐄ ᐋᐱᑎᓰᐎᓐᐦ ᒑ ᒌᐦ ᐐᐦᑎᐦᒃ
ᐊᐙᓐ ᐋᑖᔨᐦᑎᒥᐦᐄᑯᑦ᙮

3.ᒑ ᑖᐦᑭᐦᐋᒥᓐ ᐊᓐ ᐋᐱᑎᓰᐎᓐ ᐙᐦ ᐋᔨᒸᐅᐦᐄᑯᔨᓐ, ᐊᓂᑎᐦ ᒫᓯᓈᑖᒡ ᒥᒋᓐ ᐋᐦ ᐐᐦᑖᑯᐦᒡ
ᐋᔑᓈᑯᐦᒡ ᐊᓐ ᐋᐱᑎᓰᐎᓐ᙮ ᐋᑯᑎᐦ ᒫᓯᓈᑖᒡ ᒥᒋᓐ ᐋᔑᓈᑯᐦᒡ ᐊᓐ ᐋᐱᑎᓰᐎᓐ, ᐊᓐ ᒥᓯᓂᐦᐄᑭᓐ
ᐋᐦ ᐐᐦᑖᑯᐦᒡ ᒑ ᐄᔑᓈᑯᐦᒡ ᐊᓐ ᐋᐱᑎᓰᐎᓐ ᐙᐦ ᐃᐦᑐᑎᑭᓂᐎᒡ, ᐊᔅᒌᐅᓯᓂᐦᐄᑭᓐ, ᒥᔥᑎᐤ
ᒥᓯᓂᐦᐄᑭᓐᐦ, ᑭᔮᐦ ᑖᓂᑎᐦ ᒫᒀᒡ ᐋᐦᑎᑯᐦᒡ ᐋᐦ ᓈᓂᑑᒋᔅᒑᔨᐦᑖᑯᐦᒡ ᒑ ᐄᔑ ᑖᐦᑭᐦᐄᒑᐱᔨᒡ᙮ ᐅᑖᐦ
ᒋᓂᐦᐄᐎᓂᐦᒡ ᐋᑯᑎᐦ ᒑ ᑖᐦᑭᐦᐋᒥᓐ “ᐋ ᑖᔨᐦᑎᒥᐦᐄᐙᒡ” ᑳ ᐄᒋᔥᑖᒡ᙮

Picture3

ᒑ ᐃᐦᑎᓈᓂᐎᒡ 2 ᒑ ᒥᓯᓂᐦᐋᒥᓐ ᐋᑖᔨᐦᑎᒥᐦᐄᑯᔨᓐ

1. ᐋᑯᑎᐦ ᒑ ᐲᐦᑎᑖᐱᔨᒡ ᐊᓂᑎᐦ ᐹᒋᔅᑎᓂᑭᓂᐎᒡ ᐋᑖᔨᐦᑎᒥᐦᐄᑯᑦ ᐊᐙᓐ, ᒑ ᑯᒀᒋᒥᑭᐎᔨᓐ ᒑ
ᓵᑭᔅᒋᓂᑖᔨᓐ᙮ ᐋᑳ ᒫᒃ ᐋᐱᑎᐦᒀᐙ ᐊᓂᐦᐄ ᑯᒀᒋᔅᒑᒧᐎᓐᐦ ᐊᓐ ᒌᔨ ᐙᐦ ᐄᔑ ᐐᐦᑎᒥᓐ “N/A”
ᒑ ᑖᐦᑭᐦᐋᒥᓐ᙮

2. ᐋᑳ ᓂᑎᐙᔨᐦᑎᒥᓈ ᒑ ᒋᔅᒑᔨᐦᑖᑯᔨᓐ ᒌᔨ ᐋᐦ ᒌᐦ ᐐᐦᑎᒥᓐ, ᐋᐅᒄ ᐆ ᒑ ᑖᐦᑭᐦᐋᒥᓐ, “ᑖᐹ
ᓂᓂᑎᐙᔨᐦᑖᓐ ᒑ ᒋᔅᒑᔨᐦᑎᑭᓂᐎᒡ ᓂᑎᓯᓂᐦᑳᓱᐎᓐ ᑭᔮᐦ ᐊᓂᑖᐦ ᒑ ᒌᐦ ᐄᔑ ᒥᓯᓂᐦᐋᒫᑭᐎᔮᓐ
ᓂᑐᐙᐱᐦᒋᑭᓂᐦᒡ”᙮ ᐆ ᑖᐦᑭᐦᐋᒥᓈ ᓂᒥ ᒋᑭ ᒥᓯᓈᓱᓐ ᑭᔮᐦ ᓂᒥ ᒋᑭ ᒌᐦ ᐊᔨᒥᐦᐄᒄ ᐊᐙᓐ ᐅᐦᒋ
ᐊᓐ ᑳ ᐄᔑ ᐐᐦᑎᒥᓐ᙮ ᒥᒄ ᒑ ᒋᔅᒑᔨᐦᑎᒥᓐ ᐊᓂᒌ ᒥᔮᒨᐱᔥᑎᐦᒡ ᒦᓐ ᐋᐦ ᑭᓂᐙᐱᐦᑎᑭᐎᔨᒡ ᒑ ᒌᐦ
ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᒋᑭ ᐙᐱᐦᑎᒧᒡ ᐊᓂᔮ
ᐋᓯᓂᐦᑳᓱᐎᑦ ᑭᔮᐦ ᐊᓂᑖᐦ ᒑ ᒌᐦ ᐅᐦᒋ ᒥᓰᓂᐦᐋᒫᑯᐎᐎᑦ ᓂᑐᐙᐱᐦᒋᑭᓂᐦᒡ᙮

 

ᒑ ᐃᐦᑎᓈᓂᐎᒡ 3 - ᔮᔨᑖ ᑯᐃᔅᒄ ᒑ ᐄᒋᔥᑖᒡ ᐊᓂᑖᐦ ᒑ ᒌᐦ ᐅᐦᒋ
ᒥᓯᓂᐦᐋᒫᑭᐎᐎᔨᒡ ᓂᑐᐙᐱᐦᒋᑭᓂᐦᒡ ᐐᐦ ᐱᒋᔅᑎᓂᒥᓈ ᐊᔥᑎᔨᒧᐎᓐ

1. ᒌᐦ ᐱᒋᔅᑎᓂᒥᓈ ᐊᔥᑎᔨᒧᐎᓐ, ᒑ ᐐᐦ ᒑᔥᑎᓈᐦᐎᔨᓐ ᔮᔨᑖ ᑯᐃᔅᒄ ᐋᐦ ᐄᔑᓈᑯᐦᒡ ᐊᓂᑖᐦ ᒑ ᒌᐦ
ᐄᔑ ᒥᓯᓂᐦᐋᒫᑭᐎᐎᔨᒡ ᓂᑐᐙᐱᐦᒋᑭᓂᐦᒡ᙮ ᒑ ᑖᐦᑭᐦᐋᒥᓐ ᐊᓐ “Send Verification Code”
ᑳ ᐄᒋᔥᑖᒡ ᑳ ᐄᑎᔑᐦᐋᒫᑭᐎᐎᔨᒡ ᒑ ᒌᐦ ᐋᐱᐦᐋᒥᓐ ᒫᓯᓂᐦᐋᒫᑭᐎᐎᔨᓐᐦ᙮

2. ᒌᐦ ᐅᑎᐦᑎᐦᐅᑯᔨᓈ ᐊᓐ ᒌᔨ ᒥᒄ ᒑ ᒌᐦ ᐋᐱᒋᔥᑖᔨᓐ, ᐊᓂᑖᐦ ᒑ ᐄᔑ ᒥᓯᓂᐦᐋᒥᓐ ᐙᐦᑎᒫᑯᔨᓐ
ᑭᔮᐦ ᒑ ᑖᐦᑭᐦᐋᒥᓐ “Submit Comment” ᑳ ᐄᒋᔥᑖᒡ ᒑ ᒌᐦ ᐙᐱᐦᑎᐦᒡ ᐊᓂᒌ ᒥᔮᒨᐱᒡ ᒦᓐ
ᐋᐦ ᑭᓂᐙᐱᐦᑎᐦᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐅᑖᐦ ᐐᓂᐹᑯᐦᒡ ᔮᔮᐤ
ᐄᔨᔨᐅᔅᒌᐦᒡ᙮

3. ᐊᓂᒌ ᒥᔮᒨᐱᒡ ᒦᓐ ᐋᐦ ᑭᓂᐙᐱᐦᑎᐦᒡ ᒑ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐅᑖᐦ ᐐᓂᐹᑯᐦᒡ
ᔮᔮᐤ ᐄᔨᔨᐅᔅᒌᐦᒡ ᐅᑎᐦᑎᐦᐅᑯᑣᐙ ᒑ ᑭᓂᐙᐱᐦᑎᐦᒡ ᐊᓂᔮ ᑳ ᐄᔑ ᒥᓯᓂᐦᐋᒧᑦ ᐋᐦᒸᔮᐦ
ᐱᒋᔅᑎᓂᐦᒡ ᒑ ᒌᐦ ᐙᐱᐦᑎᑭᓂᐎᐎᔨᒡ, ᒋᒡ ᐊᓂᔮᐦ ᑯᑎᒃᐦ ᐊᐙᔨᐤᐦ ᑳ ᐄᔑ ᒥᓯᓂᐦᐋᒥᔨᒡᐦ᙮