ᐋᑯᑎᐦ ᐙᐦᒋ ᓈᓈᓂᒌᒻ ᒌᐦ ᑖᑆᐅᒑᔨᐦᑖᑯᓯᒡ ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ
ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐊᓂᔮᐦ ᐙᒑᐱᑎᓰᒫᒡ, ᐄᔨᔨᐤᐦ ᐋᐦ
ᒫᒨᐋᐱᑎᔒᔥᑎᒥᔨᒡ ᐦ ᓂᓈᐦᑭᐤ ᒑᒀᔨᐤ, ᑎᐹᔨᐦᒋᒑᓯᐤᐦ, ᐋᐱᑎᓰᐎᓂᔨᐤ ᐋᐦ ᒥᔖᔨᒡ, ᑭᔮᐦ ᒥᓯᐙ ᐊᐙᔨᐤᐦ,
ᐊᓂᑖᐦ ᐋᔥ ᐎᔮᔨᐦᑎᐦᒡ ᑭᔮᐦ ᐃᐦᑐᑎᐦᒡ ᓂᓈᐦᑭᐤ ᒑᒀᔨᐤ ᐋᐦ ᑭᓂᐙᐱᐦᑎᐦᒡ ᐊᓂᔮ ᑳ ᐄᔑ ᐱᑯᓵᔨᐦᑖᑯᓯᒡ
ᒑ ᐃᐦᑐᑎᐦᒡ ᐊᓂᑎᐦ ᓂᔅᑯᒧᐎᓂᐦᒡ ᐅᐦᒋ ᐊᔅᒌᔨᐤ ᑳ ᒥᓯᓂᐦᐅᓱᓈᓂᐎᐎᔨᒡ ᒑ ᐄᔑ ᐐᔓᑎᑭᓂᐎᐎᔨᒡ᙮

ᐊᓂᔮ ᐋᔑ ᒑᔥᑎᓈᐦᐅᒡ ᒑ ᒌᐦ ᐃᐦᑐᑎᐦᒡ ᐊᓂᔮ ᑳ ᐄᔑ ᐐᔓᒫᑭᓂᐅᐎᒡ, ᐊᓂᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ
ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ
ᒋᔥᑖᔨᐦᑎᒧᒡ ᐄᔨᔨᐅᐱᒫᑎᓰᐎᓂᔨᐤ, ᐄᔨᔨᐅᔑᐦᑣᐎᓂᔨᐤ, ᑮᔮᐦ ᐊᓂᔮ ᒥᓯᐙ ᐋᔑ ᑖᐦᑭᐦᐅᑯᔨᒡ ᐦ ᐄᔨᔨᐤᐦ
ᐅᑎᐦᑖᐎᓂᐙᔨᐦᒡ᙮

ᐊᓂᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ
ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᓲᐦᒃ ᑯᒋᔥᑖᐎᒡ ᒑ ᒌᐦ ᐃᐦᑐᑎᐦᒡ ᐊᓂᔮ ᔮᔨᑖ ᓈᑎᐙᔨᐦᑖᑯᓯᒡ ᒑ ᐃᐦᑐᑎᐦᒡ
ᒥᓯᐙ ᐊᐙᔨᐤᐦ ᑖᐱᑎᐤ ᐋᐦ ᐐᐦ ᐄᔑ ᑭᓂᐙᐱᒫᒡ ᐊᓂᔮᐦ ᒑ ᑖᐦᑭᐦᐅᑯᔨᒡ ᐦ ᐅᔮ ᐋᐱᑎᓰᐎᓂᔨᐤ᙮ ᐊᓂᔮ
ᐋᔑ ᐎᔮᔨᐦᑎᐦᒡ, ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ
ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᒨᔥ ᑯᐃᔅᒄ ᐐᐦ ᐃᐦᑐᑎᐙᐅᐎᒡ ᐊᐙᔨᐤᐦ ᑖᐱᑎᐤ ᐋᐦ
ᑭᓂᐙᐱᐦᑎᐦᒡ ᐊᓂᔮ ᐋᑎ ᐅᐙᔮᔨᐦᑎᐦᒡ ᒑᒀᔨᐤ ᒑ ᐄᔅᐱᔨᐦᑖᑭᓂᐎᐎᔨᒡ᙮ ᒑᒃ ᒫᒃ ᐅᑖᐦ ᐄᔑ ᓃᔥᑖᒥᐦᒡ,
ᐊᓂᔮ ᐋᔑ ᐎᔮᔨᐦᑎᐦᒡ ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ
ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐋᑯᑎᐦ ᒑ ᒌᐦ ᐅᐦᒋᐱᔨᔨᒡ ᐊᓂᔮ ᔮᔨᑖ ᒑ
ᑭᓂᐙᐱᐦᑎᑭᓂᐎᐎᔨᒡ ᐊᓂᑖᐦ ᒑ ᐄᔑ ᑭᓂᐙᐱᐦᑎᐦᒡ ᐅᒌ ᒥᔮᒨᐱᒡ ᒑ ᐄᔑ ᓂᔥᒀᐅᔑᐦᑖᒡ ᐅᐦᒋ ᐊᓂᔮ
ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ᙮ ᒥᒄ ᒫᒃ, ᐊᓂᔮ ᐋᔑ ᐎᔮᔨᑎᒥᐦᐄᑯᒡ ᐊᓂᒌ ᒥᔮᒨᐱᔥᑎᐦᒡ ᒦᓐ ᒥᒋᓐ
ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᒨᔥ
ᐹᔨᑯᓂᐦᒡ ᒑ ᐐ ᐄᔑ ᑭᓂᐙᐱᐦᑎᐦᒡ, ᐅᐦᒋ ᑎᐹᔨᐦᒋᒑᐎᓂᔨᐤ, ᐋᐦ ᒋᔅᒋᓯᒡ ᐐᔨᐙᐤ ᐋᔑ ᒋᔥᑖᔨᐦᑎᐦᒡ ᑭᔮᐦ
ᑯᐃᔅᒄ ᔮᔨᑖ ᒑ ᐐᐦ ᐃᐦᑐᑎᐦᒡ᙮

ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ
ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐋᑯᑖᐦ ᐋᔑ ᐃᐦᑐᑎᐦᒡ ᐅᑖᐱᑎᓰᐎᓂᐙᐤ ᐋᐦ ᐋᐱᐦᐋᔥᑖᔨᒡ ᑭᔮᐦ ᒑ
ᑖᑆᐅᒑᔨᐦᑖᑯᓂᔨᒡ ᒥᓯᐙ ᐊᐙᔨᐤᐦ ᑯᐃᔅᒄ ᒑ ᓂᑐᐦᑎᐙᑭᓂᐎᐎᔨᒡ ᐦ, ᑖᐱᑎᐤ ᒑ ᒌᐦ ᐄᔑᓈᑯᓂᔨᒡ ᐊᓂᔮ
ᒑ ᐄᔑ ᓈᓂᑑᒋᔅᒑᔨᐦᑖᑯᓂᔨᒡ᙮ ᐋᐦ ᐐᒋᐦᐄᐙᐱᔨᔨᒡ ᐊᓂᔮ ᐋᔑ ᐐᒋᐦᐄᐙᒡ ᒥᓯᐙ ᐊᐙᓂᒌ, ᐊᓂᒌ
ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ
ᔮᔮᐤ ᐄᔨᔨᐅᔅᒌᐦᒡ ᐐᒋᐦᐄᐙᐎᒡ ᔮᔨᑖ ᒑ ᒌᐦ ᒋᔅᒑᔨᐦᑎᔮᑭᓂᐐᐎᔨᒡᐦ ᒥᓯᐙ ᐊᐙᔨᐤᐦ ᒑ ᑖᐦᑭᐦᐅᑯᔨᒡ ᐦ
ᐅᔮ ᐙᐦ ᐃᐦᑐᑎᑭᓂᐎᐎᔨᒡ ᐋᐱᑎᓰᐎᓂᔨᐤ ᑭᔮᐦ ᒑ ᐄᔑ ᑖᐦᑭᐦᐄᒑᐱᔨᔨᒡ ᐊᔅᒌᐦᒡ ᑭᔮᐦ ᐱᒫᑎᓰᐎᓂᐦᒡ ᑭᔮᐦ
ᐋᔑ ᐱᑳᔅᒋᐦᐅᓈᓂᐎᐎᔨᒡ᙮

ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ
ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐋᔪᐎᒄ ᐃᔮᐱᒋᔥᑖᒡ ᑖᐱᔥᑯᓐ ᐄᔨᔨᐤ ᒋᔅᒑᔨᐦᑎᒧᐎᓂᔨᐤ ᑭᔮᐦ ᐎᔨᐐᑎᒫ
ᐅᑎᔅᒌᐙᐦᒡ ᒋᔅᒑᔨᐦᑎᒧᐎᓂᔨᐤ ᒑ ᐎᔮᔨᐦᑎᒥᐦᐄᑯᒡ ᑭᔮᐦ ᒑ ᐄᔑ ᓈᓈᑭᒋᔥᑖᑭᓂᐎᐎᒡ ᐊᓂᔮ
ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ᙮ ᐅᔮ ᐋᐦ ᐄᐦᑐᑎᐦᒡ, ᐋᑯᑎᐦ ᒑ ᒌᐦ ᐅᐦᒋ ᑖᑆᐅᒑᔨᐦᑖᑯᓂᔨᒡ
ᐄᔨᔨᐤ ᒋᔅᒑᔨᐦᑎᒧᐎᓂᔨᐤ ᐅᐦᒋ ᐋᐙᓰᔅ ᐦ ᑭᔮᐦ ᐊᔅᒌᔨᐤ, ᑭᔮᐦ ᓂᒧᐐ ᐎᓂᒋᔅᒋᓯᓈᓂᐎᐎᔨᐤ ᐄᔨᔨᐤ
ᐱᒫᑎᓰᐎᓂᔨᐤ, ᐄᔨᔨᐅᐃᔨᐦᑎᐎᓂᔨᐤ, ᑭᔮᐦ ᐋᔑ ᐱᑳᔅᒋᐦᐅᓈᓂᐎᐎᔨᒡ ᐅᐦᒋ ᒥᓯᐙ ᒑᒀᔨᐤ ᐋᔑ
ᒋᔅᒑᔨᒫᔨᒡ ᐦ ᐋᐙᓰᔅ ᐦ᙮ ᐋᐦ ᒌᐦᑳᔮᐱᐦᑎᑭᓂᐎᐎᔨᒡ ᑭᔮᐦ ᐋᐦ ᐋᐱᒋᔥᑖᑭᓂᐎᐎᔨᒡ ᐄᔨᔨᐤ
ᒋᔅᒑᔨᐦᑎᒧᐎᓂᔨᐤ ᐋᔪᐎᒄ ᒑ ᒋᔅᓅᑎᐦᐄᑯᒡ ᐅᒌ ᒥᔮᒨᐱᔥᑎᐦᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᒌᐦ
ᐄᔑ ᑖᐦᑭᐦᐄᒑᐱᔨᔨᒡ ᐋᐱᑎᓰᐎᓂᔨᐤ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐋᔥᒄ ᐋᐦ ᐱᒥᐱᔨᔨᒡ ᒨᔥ ᑳ ᐄᔑ ᐹᒋ
ᐱᒫᑎᓰᓈᓂᐎᐎᔨᒡ ᑭᔮᐦ ᐋᔥᒄ ᐋᐦ ᒥᓂᐦᐅᓈᓂᐎᐎᔨᒡ ᓂᓈᐦᑭᐤ ᓂᑑᐦᐅᐎᓂᔨᐤ ᑭᔮᐦ ᑯᑎᒋᔨᐤ ᒑᒀᔨᐤ ᐋᐦ
ᒥᓈᐦᐅᓈᓂᐎᐎᔨᒡ ᐅᑖᐦ ᐄᔨᔨᐅᔅᒌᐦᒡ ᔮᔮᐤ ᐐᓂᐹᑯᐦᒡ ᑭᔮᐦ ᔖᐳᒋᔅᒑᔨᐦᑎᒧᒡ ᑭᔮᐦ ᒥᔪᓂᓯᑐᐦᑎᒧᒡ
ᐋᔑᓈᑯᓂᔨᒡ ᐅᑎᔅᒌᐙᐤ᙮