ᐋᐦᒸᔮᐦ ᐄᑎᔑᐦᐄᑭᓂᐎᒡ ᐊᓐ ᒥᓯᓂᐦᐄᑭᓐ ᐅᐦᒋ ᐊᓐ ᐋᐱᑎᓰᐎᓐ ᐙᐦ ᐃᐦᑐᑎᑭᓂᐎᒡ ᒦᓐ ᒥᒋᓐ ᒑ ᑭᓂᐙᐱᐦᑎᑭᓂᐎᒡ, ᐊᓐ ᐙᐦ ᐃᐦᑐᑎᐦᒃ ᐋᔪᐎᒄ ᐅᔮ ᔮᔨᑖ ᒑ ᐃᐦᑐᑎᐦᒃ:
ᔮᔨᑖ ᒥᓯᐙ ᒑ ᐃᐦᑎᑯᐦᒡ ᐊᓐ ᒑ ᐄᔑᓈᑯᐦᒡ ᓈᑎᐙᔨᐦᑖᑯᐦᒡ, ᐊᔅᒌᐅᓯᓂᐦᐄᑭᓐᐦ ᐊᓂᑎᐦ ᒑ ᐋᐱᑎᓰᓈᓂᐎᒡ, ᑖᓂᑎᐦ ᒑ ᐋᐱᑎᓰᓈᓂᐎᒡ, ᒑ ᐄᑣᔥᑎᒧᐙᑖᑭᓂᐎᒡ ᐅᐦᒋ ᐊᓐ ᐋᐱᑎᓰᐎᓐ ᐋᐦ ᐄᔨᔨᐅᔥᑖᒡ ᑭᔮᐦ ᐋᐦ ᐱᔥᑎᒀᔮᐅᔥᑖᒡ, ᐊᓐ ᒑ ᐋᑎ ᐃᔨᐦᑎᓈᓂᐎᒡ, ᒑ ᐄᔥᐱᔑ ᐱᒦᐦᑭᑭᓂᐎᒡ, ᑭᔮᐦ ᔮᔨᑖ ᓈᑎᐙᔨᐦᑖᑯᓂᒀ ᒑ ᓂᔅᑯᒧᑦ ᑎᐹᔨᐦᒋᒑᓯᐤ (ᑳᐦᓈᑖᐦ ᑭᔮᐦ ᒫᒃ ᐄᔨᔨᐤ ᑎᐹᔨᐦᒋᒑᓯᐤ) ᒥᓯᐦᐄᑭᓐ ᐋᐦ ᓂᐦᐋᔨᐦᑖᑯᐦᒡ/ᒥᓯᓂᐦᐄᑭᓐ ᒑ ᒌᐦ ᐃᐦᑐᑎᑭᓂᐎᒡ/ᒥᓯᓂᐦᐄᑭᓐ ᐋᐦ ᐱᒋᔥᑎᔓᑖᑭᓂᐎᒡ᙮
ᒑ ᐲᐦᑎᑖᓯᓂᐦᐅᓱᑦ ᐊᓐ ᐙᐦ ᐃᐦᑐᑎᐦᒃ ᐋᐱᑎᓰᐎᓂᔨᐤ ᒥᒄ ᐊᓂᔮᐦ ᐊᐙᔨᐤᐦ ᒑ ᒌᐦ ᐙᐱᐦᑎᒥᔨᒡᐦ ᐅᑖᐦ ᓂᑐᐙᐱᐦᒋᑭᓂᐦᒡ https://emrirb.ca/registry.
ᒑ ᐃᐦᑐᑎᒥᓐ ᐊᓐ ᐋᑎ ᐃᔨᑎᓯᓈᑖᒡ ᐊᓂᑎᐦ ᒥᓯᐙ ᐊᐙᓐ ᒑ ᒌᐦ ᐙᐱᐦᑎᐦᒃ ᐋᐦ ᐐ ᐄᑎᔑᐦᐋᒥᓐ ‘ᐋᐦᒸᔮᐦ ᒦᓐ ᒥᒋᓐ ᑭᓂᐙᐱᐦᑎᑭᓂᐎᒡ ᐊᓐ ᐋᐱᑎᓰᐎᓐ ᐙᐦ ᐃᐦᑐᑎᒥᓐ’ ᐋᐦ ᑯᒀᒋᒥᑭᐎᐎᔨᓐ ᒑ ᐙᐱᐦᑎᐦᒡ ᐊᓂᒌ ᑳ ᐎᔮᔨᐦᑎᐦᒡ ᒑ ᐄᔑᓈᑯᓂᔨᒡ ᐊᓂᔮ ᐋᐱᑎᓰᐎᓂᔨᐤ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ᙮ ᒥᒄ 5 ᐲᐦᐃᒻ 10 ᒥᓂᑯᔥ ᒋᑭ ᐱᒦᐦᑳᓐ ᐋᐦ ᐐᐦ ᒌᔥᑖᔨᓐ, ᐋᑯᐦ ᐊᓂᒌ ᑳ ᒫᒨᐱᒡ ᐋᐦ ᐎᔮᔨᐦᑎᐦᒡ ᐋᐱᑎᓰᐎᓂᔨᐤ ᒑ ᒌᐦ ᑭᓂᐙᐱᐦᑎᑭᓂᐎᐎᔨᒀ ᒦᓐ ᒥᒋᓐ᙮
ᐐᐱᒡ ᓈᔥᒡ ᓂᑎᐙᔨᐦᑖᑯᓐ ᒥᒄ ᐊᓐ ᐊᐙᓐ ᒑ ᒌᐦ ᐐᒋᐦᐄᐙᑦ ᓈᓂᑑᒋᔅᒑᔨᐦᑖᑯᓂᔨᒑ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᑭᔮᐦ ᒥᓯᐙ ᐊᓂᔮ ᒑ ᐋᑎ ᐃᔨᐦᑎᓈᓂᐎᐎᔨᒡ᙮ ᐋᐅᒄ ᐙᐦᒋ ᐐᐦ ᐃᐦᑐᑎᑭᓂᐎᒡ ᐆ, ᓈᔥᒡ ᐋᐦ ᓂᑎᐙᔨᐦᑖᑯᓯᒡ ᐊᓂᒌ ᐙᐦ ᐃᐦᑐᑎᐦᒡ ᐊᓂᔮ ᐋᐱᑎᓰᐎᓂᔨᐤ ᒑ ᐐᔖᒫᒡ ᐄᔨᔨᐤᐦ ᒑ ᒌᐦ ᐐᐦᑎᒥᔨᒡᐦ ᐋᑖᔨᐦᑎᒥᐦᐄᑯᔨᒡᐦ ᑏᐙᐦᒡ ᒌᐦ ᐎᔮᔨᐦᑎᐦᒀ ᐋᐦ ᐐᐦ ᐃᐦᑐᑎᐦᒡ ᐊᓂᔮ ᐋᐱᑎᓰᐎᓂᔨᐤ᙮
ᐐᐦᑎᒫᒑᐅᓯᓂᐦᐄᑭᓐᐦ
ᐐᐦᑎᒫᒑᐅᓯᓂᐦᐄᑭᓐ 1
ᐋᐦ ᑎᐹᑎᑖᒡ ᐋᔑᓈᑯᐦᒡ ᐋᐦ ᒫᒨᐱᔥᑎᑭᓂᐎᒡ ᒦᓐ ᐋᐦ ᑭᓂᐙᐱᐦᑎᑭᓂᐎᒡ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ
ᐐᐦᑎᒫᒑᐅᓯᓂᐦᐄᑭᓐ 2
ᒑ ᐄᔅᐱᔨᐦᑖᑭᓂᐎᒡ ᒦᓐ ᒥᒋᓐ ᐋᐦ ᑭᓂᐙᐱᐦᑎᑭᓂᐎᒡ ᐊᓐ ᐋᐱᑎᓰᐎᓐ ᐙᐦ ᐃᐦᑐᑎᑭᓂᐎᒡ ᑭᔮᐦ ᐋᐱᒋᔥᑎᓂᑭᓂᐎᒡ
ᐐᐦᑎᒫᒑᐅᓯᓂᐦᐄᑭᓐ 3
ᒦᓐ ᐋᐦ ᑭᓂᐙᐱᐦᑎᑭᓂᐎᒡ ᒑ ᐄᔅᐱᔨᐦᑖᑭᓂᐎᒡ
ᐐᐦᑎᒫᒑᐅᓯᓂᐦᐄᑭᓐ 4
ᑯᐃᔅᒄ ᐋᐦ ᓈᓈᑭᒋᔥᑖᑭᓂᐎᒡ ᐋᐱᑎᓰᐎᓐ ᒫᒀᒡ ᐋᐦ ᐄᐦᑐᑎᑭᓂᐎᒡ
ᐐᐦᑎᒫᒑᐅᓯᓂᐦᐄᑭᓐ 5
ᐊᔨᒧᐎᓐ ᑭᔮᐦ ᐋᔥᒌᔣᒥᑭᐦᒡ ᐋᐦ ᒥᓯᓈᑖᒡ
ᒋᐐᐦ ᐐᒋᐦᐄᑯᓰᓐ ᐋ?
ᓂᑐᐙᐱᐦᒋᑭᓐ ᒑ ᐋᐱᒋᔥᑖᔨᓐ ᓂᑎᐙᔨᐦᑎᒥᓈ ᒑ ᐐᒋᐦᐄᑭᐎᐎᔨᓐ᙮
ᑭᔮᐦ ᒫᒃ, ᐅᑖᐦ ᒑ ᐄᔑ ᐹᒋ ᒥᑣᐦᑎᑖᔨᓐ 819-895-2202᙮