ᐊᓂᑖᐦ ᒑ ᐃᐦᑎᓈᓂᐎᒡ

ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐃᔮᐎᒡ ᐊᓂᑖᐦ ᒑ ᐄᔑᓈᑯᓂᔨᒡ ᔮᔨᑖ ᒑ ᓈᓈᑭᒋᔥᑖᑭᓂᐎᐎᔨᒡ
ᐊᓂᔮ ᐅᐦᒋ ᐊᔅᒌᔨᐤ ᓂᔅᑯᒧᐎᓂᔨᐤ᙮ ᐋᑯᑖᐦ ᐋᔑᓈᑯᐦᒡ ᐆ ᐋᐦ ᑭᓂᐙᐱᐦᑎᑭᓂᐎᒡ, ᐊᓐ ᐋᐱᑎᓰᐎᓐ ᐙᐦ
ᐃᐦᑐᑎᑭᓂᐎᒡ ᓃᔥᑎᒻ ᐊᓂᑖᐦ ᐋᐦ ᒫᒨᐱᔥᑎᐦᒡ ᒑ ᒌᐦ ᐎᔮᔨᐦᑎᒥᐦᐄᑯᒡ ᐄᑎᔑᐦᐋᒧᐙᑭᓂᐅᐎᒡ ᒑ ᒌᐦ
ᓅᑯᓂᔨᒡ ᐊᓂᔮ ᑳ ᐄᔑ ᐎᔮᔨᐦᑖᑯᓂᔨᒡ ᒑ ᒌᐦ ᐄᑖᐱᑎᓂᔨᒡ ᐊᔅᒌᔨᐤ (ᓃᔥᑎᒻ (1) ᑳ ᐎᔮᔨᐦᑖᑯᐦᒡ)᙮
ᒫᒀᒡ ᒫᒃ ᐆ ᐊᓅᐦᒡ ᓂᒧᐐ ᐃᐦᑎᑯᓐ ᐋᐦ ᓂᐦᐋᔨᐦᑎᒥᐦᐄᐙᒡ ᒑ ᒌᐦ ᐄᑖᐱᑎᐦᒡ ᐊᔅᒌ ᐅᑖᐦ ᐐᓂᐹᑯᐦᒡ ᔮᔮᐤ
ᐄᔨᔨᐅᔅᒌᐦᒡ᙮

ᐋᔪᐎᒄ ᒦᓐ ᐋᔑ ᐎᔮᔨᐦᑎᒥᐦᐄᑯᒡ ᐅᒌ ᒥᔮᒨᐱᒡ ᒑ ᐄᔑᓈᑯᓂᔨᒡ ᐊᓂᔮ ᒦᓐ ᓈᔥᒡ ᒥᒋᓐ ᒑ ᑭᓂᐙᐱᐦᑎᑭᓂᐎᐎᔨᒡ ᒑ ᓂᑎᐙᔨᐦᑖᑯᓂᔨᒡ (ᓃᔣᐤ (2) ᑳ ᐎᔮᔨᐦᑖᑯᐦᒡ)᙮ ᐊᓂᐦᐄ ᒫᒃ ᒥᓯᓂᐦᐄᑭᓐᐦ ᐋᑳ ᔮᔨᑖ ᒥᒋᓐ ᒦᓐ ᒑ ᑭᓂᐙᐱᐦᑎᑭᓂᐎᒡᐦ ᐋᑯᑎᐦ ᒫᓯᓈᑖ ᐅᑎᐦ 18-1 ᑳ ᐄᑎᓯᓈᑖᒡ ᐅᐦᒋ ᐙᐦᒋᐱᔨᒡᐦ ᔮᔨᑖ ᐋᐱᑎᐦᒡ ᐊᓐ ᓂᔅᑯᒧᐎᓐ ᐅᐦᒋ ᐊᔅᒌ᙮ᐋᔪᐎᒄ ᒑ ᐐᒋᐦᐄᑯᒡ ᐅᒌ ᒥᔮᒨᐱᒡ ᐙᔮᔨᐦᑎᐦᒡ ᑖᑆᐦ ᒑ ᐃᐦᑐᑎᑭᓂᐎᐎᔨᒀ ᐋᐱᑎᓰᐎᓂᔨᐤ, ᐊᓂᒌ ᐙᐦ ᐃᐦᑐᑎᐦᒡ ᐊᓂᔮ ᐋᐱᑎᓰᐎᓂᔨᐅᒡ ᓂᑎᐙᔨᐦᑖᑯᓱᐎᒡ ᒑ ᓵᑭᔅᒋᓂᑖᒡ ᐋᐦ ᑯᒀᒋᒫᑭᓂᐅᐎᒡ ᒑ ᐄᔑᓈᑯᓂᔨᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᐦᒡ ᐅᑖᐦ ᐅᐦᒋ ᒥᔮᒨᐱᔨᒡᐦ ᒦᓐ ᒥᒋᓐ ᐋᐦ ᑭᓂᐙᐱᐦᑎᒥᔨᒡᐦ ᒑ ᒌᐦ ᐄᔑ ᑖᐦᑭᐦᐄᒑᐱᔨᔨᒡ ᐊᓂᔮ ᐋᐱᑎᓰᐎᓂᔨᐤ ᐅᑖᐦ ᒥᓯᐙ ᐊᐙᓐ ᒑ ᒌᐦ ᐐᐦᑎᐦᒃ ᐅᑎᑖᔨᐦᑎᒧᐎᓐ ᐋᐦ ᒥᓯᓈᓱᑦ ᒥᓯᓂᐦᐄᑭᓂᔨᐤ᙮ . ᐋᑯᑎᐦ ᔮᔨᑖ ᒑ ᐐᐦᑎᐦᒡ ᒑ ᐄᔑᓈᑯᓂᔨᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᐦᒡ ᑭᔮᐦ ᑖᓂᑎᐦ ᒑ ᐃᐦᑎᑯᓂᔨᒡ, ᑭᔮᐦ ᐊᓂᔮᐦ ᒥᓯᓂᐦᐄᑭᓐᐦ ᔖᔥ ᐋᔮᒡ ᐋᐦ ᓂᐦᐋᔨᐦᑖᑯᓂᔨᒡ ᒑ ᒌᐦ ᐃᐦᑐᑎᐦᒡ ᐊᓂᔮ ᐋᐱᑎᓰᐎᓂᔨᐤ, ᐋᐦ ᓂᔅᑯᒫᑭᓂᐅᐎᒡ, ᒥᓯᓂᐦᐄᑭᓐᐦ ᐋᐦ ᓂᐦᐋᔨᐦᑖᑯᓯᒡ ᒑ ᒌᐦ ᐃᐦᑐᑎᐦᒡ, ᑭᔮᐦ ᐊᓂᑖᐦ ᐋᐦ ᐅᐦᒋᒫᐅᓈᓂᐎᐎᔨᒡ ᐙᐦᒋ ᓃᑳᓂᔥᑳᑭᓂᐎᐎᔨᒡ ᔖᔥ ᐋᐦ ᒌᐦ ᐅᐦᒋ ᓂᐦᐋᔨᐦᑖᑯᓯᒡ᙮

ᐄᑖᔨᐦᑎᐦᒀᐙ ᐅᒌ ᒥᔮᒨᐱᒡ ᐋᐦ ᐎᔮᔨᐦᑎᐦᒡ ᒑᒀᔨᐤ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐋᐦ ᓂᐦᐄᓈᑯᓂᔨᒡ ᐊᓂᔮ ᑳ ᐄᔑ ᐎᔮᔨᐦᑖᑯᓂᔨᒡ ᒑ ᐄᑖᐱᑎᓂᔨᒡ ᐊᔅᒌᔨᐤ, ᑭᔮᐦ ᐋᑳ ᔮᔨᑖ ᒦᓐ ᐊᑎᑎᐤ ᒥᒋᓐ ᒑ ᑭᓂᐙᐱᐦᑎᑭᓂᐎᐎᔨᒡ, ᐅᑖᐦ ᒑ ᐄᑎᔑᐦᐋᒡ ᒦᓐ ᐋᐦ ᑭᓂᐙᐱᐦᑎᑭᓂᐎᐎᔨᒡ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓂᔨᐤ ᒥᔮᒨᐱᔥᑎᑭᓂᐎᐎᔨᒡ (ᓂᔥᑐᔨᒡ ᒑ ᐃᐦᑐᑖᑭᓂᐎᒡ 3)᙮ ᓃᔥᑎᒻ ᐋᐦ ᑭᓂᐙᐱᐦᑎᑭᓂᐎᒡ ᒑ ᐄᔑ ᑖᐦᑭᐦᐄᒑᐱᔨᒡ, ᐋᑯᑎᐦ ᒑ ᐅᐦᒋ ᐎᔮᔨᐦᑖᑯᐦᒡ ᒦᓐ ᐊᑎᑎᐤ ᒥᒋᓐ ᒑ ᑭᓂᐙᐱᐦᑎᑭᓂᐎᒀ ᐋᐦ ᐄᑖᔨᐦᑎᑭᓂᐎᒡ ᓈᔥᒡ ᒥᔥᑏᐦ ᒑ ᑖᐦᑭᐦᐄᒑᐱᔨᒡ (ᓈᐅᔨᒡ ᒑ ᐃᐦᑐᑎᑭᓂᐎᒡ 4)᙮ ᐊᓐ ᐋᐱᑎᓰᐎᓐ ᔑᔮᐳᐦᑎᐙᐱᔨᐦᑖᑭᓂᐎᒡ ᑖᑆᐦ ᒑ ᒌᐦ ᐃᐦᑐᑎᑭᓂᐎᒡ ᐅᑖᐦ ᐅᐦᒋ ᒦᓐ ᒥᒋᓐ ᐋᐦ ᒌᐦ ᑭᓂᐙᐱᐦᑎᑭᓂᐎᒡ ᑭᔮᐦ ᐋᐦ ᒌᐦ ᓂᐦᐋᔨᑎᒥᐦᐄᐙᒡ ᐋᑯᑎᐦ ᒑ ᒥᔨᐙᓂᐎᒡᐦ ᐊᓂᐦᐄ ᒥᓯᓂᐦᐄᑭᓐᐦ ᓈᑎᐙᔨᐦᑖᑯᐦᒡ ᐅᑖᐦ ᐅᐦᒋ ᑎᐹᔨᐦᒋᒑᓰᓈᐦᒡ ᐙᐦᒋ ᑭᓂᐙᐱᐦᑎᑭᓂᐎᒡ (ᓂᔮᔪᔨᒡ ᒑ ᐃᐦᑐᑎᑭᓂᐎᒡ 5), ᑭᔮᐦ ᔮᔨᑖ ᒑ ᓈᓈᑭᒋᔥᑖᑭᓂᐎᒡ ᐹᑎᔥ ᒌᐦ ᒌᔥᑐᑎᑭᓂᐎᐎᒑ ᐊᓐ ᐋᐱᑎᓰᐎᓐ (ᑯᑣᔥᒡ ᑎᐦᑖᐤ ᒑ ᐃᐦᑐᑎᑭᓂᐎᒡ 6)᙮

ᐊᑎᑎᐤ ᒥᒋᓐ ᐐᐦ ᒋᔅᒑᔨᐦᑖᑯᐦᒑ, ᐋᑯᑖᐦ ᐅᑖᐦ ᒑ ᐄᔅᐱᔨᓈᓂᐎᒡ ᓂᑐᐙᐱᐦᒋᑭᓐ ᐋᐦ ᐋᐱᑎᐦᒡ Project Proposals in the EMR Flowchart᙮