ᐅᒌ ᒥᔮᒨᐱᒡ ᐋᐅᑯᓂᒡ ᒫᔮᑭᓂᐅᐎᒡ ᒦᓐ ᒥᒋᓐ ᒑ ᑭᓂᐙᐱᐦᑎᐦᒡ, ᑯᐃᔅᒄ ᒑ ᐃᐦᑐᑎᐦᒡᒻ ᑭᔮᐦ ᒑ ᑖᑆᒥᑭᓂᔨᒡ ᐊᓂᔮ ᒑ ᐄᔑ ᐎᔮᔨᐦᑎᐦᒡ, ᐹᔓᒡ ᐋᐦ ᐐᐦᒑᐱᑎᓰᒫᒡ ᐄᔨᔨᐤᐦ, ᑎᐹᔨᐦᒋᒑᓯᐤᐦ, ᑭᔮᐦ ᐊᓂᔮᐦ ᒫᒫᔪᐦᐄᑯᔨᒡᐦ ᑭᔮᐦ ᒫᔪᒋᔅᒑᔨᐦᑎᒥᔨᒡᐦ, ᐊᔅᒌᔨᐤ ᑭᔮᐦ ᐱᒫᑎᓰᐎᓂᔨᐤ ᐋᐦ ᐐᐦ ᒥᓈᒋᔥᑖᑭᓂᐎᐎᔨᒡ ᐅᐦᒋ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ
ᒥᓯᐙ ᐊᐙᓐ ᒑ ᒌᐦ ᒋᔅᒑᔨᐦᑎᔮᑭᓂᐎᑦ
ᐊᓂᑎᐦ ᒫᓯᓈᓱᒡ ᐊᐙᓂᒌ ᒑ ᒌᐦ ᐙᐱᑎᐦᒡ ᐊᓂᔮ ᑳ ᐄᔑ ᒥᔅᑭᐙᐦᑖᑭᓂᐎᐎᔨᒡ ᐅᐦᒋ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ᙮ ᐊᓂᒌ ᐙᐦ ᐃᐦᑐᑎᐦᒡ ᐋᐱᑎᓰᐎᓂᔨᐤ ᒋᑭ ᐲᐦᑎᑖᓯᓂᐦᐅᓱᐎᒡ ᐊᓂᑎᐦ ᒥᓯᐙ ᐊᐙᔨᐤᐦ ᒑ ᒌᐦ ᐙᐱᐦᑎᒥᔨᒡᐦ ᐋᐦ ᐐᐦᑎᐦᒡ ᐋᔑᓈᑯᓂᔨᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᐦᒡ ᐅᑖᐦ ᒥᔮᒨᐱᔨᒡᐦ ᒦᓐ ᐋᐦ ᑭᓂᐙᐱᐦᑎᒥᔨᒡᐦ ᐋᔑᓈᑯᓂᔨᒡ ᐊᓂᔮ ᐙᐦ ᐃᐦᑐᑎᐦᒡ᙮ ᑯᑎᑭᒡ ᑭᔮᐦ ᐊᐙᓂᒌ ᐐᐦ ᐙᐱᐦᑎᐦᒀᐙ ᒥᓯᐙ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐅᑖᐦ ᐐᓂᐹᑯᐦᒡ ᔮᔮᐤ ᐄᔨᔨᐅᔅᒌᐦᒡ ᐋᑯᑎᐦ ᐅᑎᐦ ᒑ ᒌᐦ ᐙᐱᐦᑎᐦᒡ᙮
ᐊᓂᑖᐦ ᒑ ᐃᐦᑎᓈᓂᐎᒡ
ᒥᓯᐙ ᐊᓂᐦᐄ ᒥᓯᓂᐦᐄᑭᓐᐦ ᑳ ᐹᒋ ᐱᒋᔅᑎᓂᑭᓂᐎᒡᐦ ᐅᑖᐦ ᒥᓯᐙ ᐊᐙᓐ ᒑ ᒌᐦ ᐙᐱᐦᑎᐦᒃ ᓈᓂᑑᒋᔅᒑᔨᐦᑎᒧᒡ ᐅᒌ ᒥᔮᒨᐱᒡ ᒥᒋᓐ ᑳᓂᐙᐱᐦᑎᐦᒡ ᐊᓂᑎᐦ ᒑ ᒌᐦ ᐅᐦᒋ ᐎᔮᔨᐦᑎᐦᒡ ᑖᑆᐦ ᒑ ᒌᐦ ᐃᐦᑐᑎᑭᓂᐎᐎᔨᒀ ᐊᓂᔮ ᐋᐱᑎᓰᐎᓂᔨᐤ ᑭᔮᐦ ᒫᒃ ᐊᑎᑎᐤ ᒥᒋᓐ ᒦᓐ ᒑ ᑭᓂᐙᐱᐦᑎᑭᓂᐎᐎᔨᒀ᙮ ᐊᓂᒌ ᒥᔮᒨᐱᒡ ᐋᐅᑯᓂᒡ ᔮᔨᑖ ᓈᑎᐙᔨᐦᑖᑯᓯᒡ ᒥᓯᐙ ᒑ ᓈᓈᑭᒋᔥᑖᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ ᓂᐦᐋᔨᐦᑖᑯᓂᔨᒑ᙮ ᐊᑎᑎᐤ ᐐᐦ ᒋᔅᒑᔨᐦᑎᒥᓈ ᐅᐦᒋ ᐆ ᐊᓂᑖᐦ ᐋᔅᐱᔨᐦᑖᑭᓂᐎᒡ, ᐋᑯᑎᐦ ᐅᑎᐦ ᒑ ᐋᑎ ᒥᓯᓈᑖᒡ᙮
ᒥᓯᐙ ᐊᐙᓐ ᐋᐱᐦᐋᔥᑖᔨᐤ ᒑ ᒌᐦ ᐐᒋᐦᐄᐙᑦ
ᓈᔥᑖᑆᐦ ᒋᔅᑎᒫᐎᓂᔨᐤ ᒥᓯᐙ ᐊᐙᓂᒌ ᒑ ᒌᐦ ᐐᒋᐦᐄᐙᒡ ᐋᑳ ᒑ ᑳᑖᑭᓂᐎᒡ ᒑᒀᓐ, ᒑ ᑖᑆᒥᑭᐦᒡ, ᑭᔮᐦ ᑖᐱᑎᐤ ᒑ ᒌᐦ ᐄᑖᔨᒫᑭᓂᐅᐎᒡ ᐊᐙᓂᒌ ᓈᓂᑑᒋᔅᒑᔨᐦᑖᑯᐦᒑ ᒑ ᐄᔑ ᑖᐦᑭᐦᐄᒑᐱᔨᒡ ᐋᐱᑎᓰᐎᓐ᙮ ᐋᑯᑎᐦ ᐅᑎᐦ ᒑ ᐙᐱᐦᑎᒥᓐ ᑖᓂᑖᐦ ᐊᑎᑎᐤ ᒑ ᒌᐦ ᐐᒋᐦᐄᐙᔨᓐ ᐊᓂᑖᐦ ᐋᐦ ᐃᐦᑎᓈᓂᐎᒡ ᑭᔮᐦ ᐋᐦ ᐐᒋᐦᐄᐙᐱᔨᒡ ᐋᐦ ᐐᐦᑎᒫᒄ ᐋᑖᔨᐦᑎᒥᐦᐄᑯᔮᒄ ᒑ ᐐᒋᐦᐄᑯᒡ ᐅᒌ ᒥᔮᒨᐱᒡ ᐊᓂᑖᐦ ᒑ ᐄᔑ ᐎᔮᔨᐦᑎᒥᐦᐄᑯᒡ ᐊᓂᔮ ᐋᐱᑎᓰᐎᓂᔨᐤ ᐙᐦ ᐃᐦᑐᑎᑭᓂᐎᐎᔨᒡ᙮